538. NIUGATUO MWEGA MATU-INI

1.
Nĩũgatuwo mwega matu-inĩ
Nĩkwaria ũgima
Ningĩ nĩũgacirithĩrio
Kwaria mohoro ma tũhũ

Menyerera ũrĩa waria
Nĩ wehĩta

2.
Wĩcirie wega mũno
Mbere ũkĩhe Ngai ũhoro
Kaba ũmũhe kiugo kĩmwe
Kĩrĩa ũrũmĩtie na ngoro

3.
Kuhĩhagia ciugo
Rĩrĩa ũkũhe Ngai ũhoro
Wĩtigĩre mũno ũmenye
Ndũkarie ciugo cia tũhũ

4.
Ngai mũkĩaria nake
Menya ti mũndũ mũkwaria
Nĩ Ngai ũrĩa wakũmbire
Na nĩoĩ rĩrĩa ũgakua

5.
Ũkĩhe andũ ũhoro
Kana ũkĩhe Ngai ũhoro
Menyagĩrĩra tigaga
Kwaria na ũkariganĩrwo

6.
Rũrĩmĩ rwaku tigaga
Kwenda rwarie tũhũ
Ũkĩhe andũ aingĩ ũhoro
Na ũkĩhe andũ erĩ kana ũmwe

7.
Mwĩhĩtwa mũnene
Wehĩtire na rũrĩmĩ
Ũkĩĩra andũ kuma ũmũthĩ
Ndĩtungatagĩra Ngai

8.
Kaba ũtige kwarĩa
Ũikare ta wĩ kĩrimũ
Gũkĩra warie na ũrege
Kũrũmbũiya ũrĩa waririe.