535. GITINA GIKI KIA ROHO MURONA UMUTHI

1.
Gĩtina gĩkĩ kĩa Roho mũrona ũmũthĩ
Gĩtina kĩa Roho Mũtheru wa ma
Gĩakirwo na mathĩna maingĩ Roho e mũira
Na mĩnoga mĩingi mũno ĩtangĩriganĩra

Atongoria aitũ nĩmatwĩrire
Me na ruo rũnene mũno ngoro
Na maithori maingĩ ta maaĩ
Maithori ma mũthenya na ũtukũ

2.
Iguai gĩtina kĩa Roho Mũtheru
Gĩakirwo na thithino na nyota
Na ng’aragu na heho na kũrwo nĩ toro
Ũtukũ wothe kinya gũgakĩa

3.
Anyinyi na anene tũũrai na ma
Mũririkanaga ciĩko cia atheru aya
Anabii na atũmwo a Gatũrũme
Nĩo aira wĩra-inĩ wothe wa Ngai

4.
Nĩmanyaririrwo nĩ thu ciao mũno
Magĩkirĩrĩria mehokete Ngai
Makĩhoya Ngai ũtukũ na mũthenya
Makĩhootanĩrwo nĩ guoko kwa Ngai

5.
Marũire mbaara nene ng’endo-inĩ
Cia mawerũ-inĩ na ngurunga-inĩ
Na ng’endo cia mũiyũro wa njũũĩ
Meyohete mĩthiori nĩ ng’aragu

6.
Thĩna nĩ mũingĩ wonirwo
Nĩ atheru a Mwathani makĩona
Thithino ya kwambata irĩma
Mena ng’aragu magathaithe Ngai

7.
Ng’endo-inĩ moirĩirwo nĩ mbura nene
Na makĩona ũrugarĩ wa riũa
Marima-inĩ ma thĩ makĩiguĩra heho kuo
Makĩũmĩrĩria mehokete hinya wa Ngai

8.
Nyũmba nĩ nyingĩ ciamomorirwo
Nĩ thũ cia Rĩĩtwa rĩa Ngai ingĩ igĩcinwo
No hinya wa guoko kwa Jehova
Nĩwarũgamĩrĩire kanitha wa Ngai.