491. JESU MWENE NIWE WOIGIRE

1.
Jesu mwene nĩwe woigire
Kahinda nĩgakuhĩrĩirie
Mũndũ ũkwenda kwĩrira erire
Kahinda nĩgakuhĩrĩirie

Ngoma nĩerwo tũtirĩ thirĩ
Na ũrĩa warĩ ho nĩndaũĩ
Warĩhirwo nĩ Jesu
Mũtharaba-inĩ Kaibarĩ

2.
Maandĩko make nĩatigire
Matikora kana mabuthe
Mũndũ ndakona kĩgwatio
Mwathani wakwa ndĩakũĩ

3.
Ayubu mwene nĩageririo
Na mĩrimũ na magerio
Akĩninĩrwo indo ciothe
Na mwĩrĩ wake ũkĩnyarirwo

4.
Ngoro cia andũ a nja nĩ hũthũ
Mũtumia wake amwĩrĩre
“Ayubu nĩ tũrume Ngai
Twamwĩtĩkia no gũtũgeria”

5.
Akĩninĩrwo ciana na mbũri
Na mwĩrĩ wake ũkĩnyarirwo
Ayubu mwene erire Ngai
“Mwathani wanjiarire njaga

6.
Na ndiarĩ kĩndũ o na kĩ
Wenda kũnjĩta nĩ ũnjĩte
No igai rĩrĩa ngũkũhoya
Mwathani ndũkanyime muoyo”

7.
Ngai we mwene nĩonire
Ayubu nĩetĩkĩtie mũno
Akĩmũninĩra magerio
Na kĩndũ akĩrĩhwo na kĩngĩ.