489. ZEBEDI ATIGIRUO MACUA-INI

1.
Zebedi atigirwo macua-inĩ
Nĩ ciana ciake Jakubu na Johana
Makĩrũmĩrĩra Mwathani
O kũndũ guothe rũgendo-inĩ
Kũrĩa Jesu athiaga

No gwĩtĩkia kwa Judasi
No gwa tũhũ o na etĩkia
Nĩahũndũkire na thutha
Agĩĩcuria mũtĩ-igũrũ
Na mũhĩndo

2.
Ti wega kũgarũrũka na thutha
Ũngĩgarũrũka na thutha
Wĩra ũrĩa ũtũire ũrutagĩra
Mwathani ũgũtuĩka wa tũhũ
Ũrwo nĩ muoyo ta Judasi

3.
Atũmwo ikũmi na erĩ
Nĩ maarutire wĩra mũingĩ
Maathire ng’endo nyingĩ
Me na Jesu magwatĩirie
Ngoro-inĩ ciao

4.
Nĩ mĩnoga mĩingĩ monire
Kũraara makĩnyarirĩka me rũũĩ
Macua-inĩ magĩtũgũgio
Nĩ makũmbĩ ma maaĩ maingĩ
Maikio nĩ rũhuho

5.
Jesu akĩra arutwo ake
“Nĩ niĩ! Nĩ niĩ tigai guoya!
Tigai gwĩtigĩra ngoro-inĩ”
Hĩndĩ ĩyo agĩatha rũhuho rũgĩkira ki
Othe makĩmaka

6.
Makĩona hinya mũnene
Wa gwatha rũhuho rũingĩ
Makĩũrania “Ũguo nĩ atĩa
Ũyũ wathaga rũhuho karĩ ũ
Na rũkamũigua?”