476. THI INO NDURAGA NA THINA

1.
Thĩ ĩno ndũraga na thĩna
Na ruo rũnene
Njetereire gũthiĩ igũrũ
Nĩguo ngahurũke

Nĩngatoria ngahurũke matu-inĩ
Kũu nĩkuo ngaikaraga
Na arĩa manakinya

2.
Thĩ ĩno ndirĩ na ũhurũko
Na ndirĩ na handũ
Kũndũ gwakwa nĩ matu-inĩ
Nĩkuo ngahurũka

3.
Njikaraga ndĩ na thĩna
Na kũhinyĩrĩrio
Mũthenya ũmwe nĩngainũka
Njeherere thĩna

4.
O na ndona thĩna mũingĩ
Na ruo rũnene
Ndĩ na wĩhoko mũnene
Thĩ ĩno ndigatũũra

5.
O na mbaara ĩngĩneneha
Ya rũgendo rũrũ
Nĩngatoria ndĩhokete
Rĩĩtwa rĩa Mwathani

6.
O na mbura ĩngiura mũno
Na nduma ĩnenehe
O na kũgĩe na ũtenderũ
Nĩngwĩyũmĩrĩria

7.
Nĩngũtuĩkania kĩrĩti
Gĩa thĩna ũyũ wothe
O nginya rĩrĩa ngoimĩra
Mũciĩ wa matu-inĩ

8.
Mwathani wakwa kĩnjoe
Njũke kũu narua
Nĩguo hurũke mĩnoga
Ya thĩna ũyũ wothe.