472. NGUTHAITHA ANDU ARIA MENDETE JEHOVA

1.
Ngũthaitha andũ arĩa mendete Jehova
Na makenda Jesu Mũhonokia
Na makenda Roho Mũtongoria
Wa njĩra ya gũthiĩ igũrũ
Mũtikanehoke mĩhianano

2.
Jesu akuire ahingũre hekarũ theru
Na hekarũ ĩyo nĩyo mĩĩrĩ yanyu
Nĩguo Roho one handũ ha kũhurũka
Onanĩrĩrie njĩra ya igũrũ

3.
Mũndũ ũrĩa wothe ũthahagia mwĩrĩ wake
Akĩũhoithia mĩhianano
Nĩgũtharia egũtharia nyũmba ya Ngai
Na ũcio nĩwe ũkaninwo nĩ Ngai

4.
Mũndũ ũrĩa ũthiaga kwa ago gũthondekwo
Mũndũ ũcio e na kĩrumi kĩnene
Nĩ ũndũ wa gũtharia hekarũ ya Roho

5.
Mĩthaiga nĩ mĩhianano na nĩ ngai cia gũkũ thĩ
Cia gũicũhio kana cia gũtwekio
Ciigĩtwo ithahagie hekarũ ya Roho
Ĩrĩa Jesu akuire nĩ ũndũ wayo

6.
Jeroboamu ũrĩa warĩ wa Nebati
Nĩmahĩtanirie na Jehova
Na akĩrumwo me hamwe na nyũmba yake
Nĩ kũhoithia andũ mĩhianano

7.
Ngai e na marakara manene mũno
Nĩ ũndũ wa andũ arĩa moigaga nĩ ake
Nĩ kũgarũrũkĩra ngai cia thĩ ĩno
Magathahia Rĩĩtwa rĩa Jehova.