40. NGUGOOCA JEHOVA HAMWE

1.
Ngũgooca Jehova hamwe
Na njamba iria irĩ ũrũme
Ciarũagĩrĩra Rĩtwa
Rĩake rĩtheru

Njamba icio ciothe nĩciakuire irũmĩtie
Ũthingu na ũhoro wa ma na wĩtĩkio
Na ũmĩrĩru waiyũire ngoro ciao
Rĩu me igũrũ

2.
Habili aitirwo thakame
Nuhu agĩaka thabina
Shemu akĩhumba ithe nguo
Akĩrathimwo

3.
Iburahimu nĩ mũtĩ
Wĩ kĩĩgunyĩ kĩa andũ othe
Isaaka ona Jakubu
Nĩ honge ciaguo

4.
Jehova onirie Jusufu
Ũtugi wake e toro
Musa akĩohwo indo cia mbara
Matimũ na hiũ

5.
Maithori ma Musa mothe
Na mĩnoga na ruo
Na thithino Joshua nĩwe
Waititikire

6.
Rĩrĩa aciiri matigirwo
Nĩ Joshua arĩkia gũkua
Gideoni nĩahũũrire thũ
Na hiũ cia njora

7.
Moko ma Samueli Ngai
Nĩwe wamathambirie
Ũthamaki waciarwo thĩ
Aũrathime

8.
Mũthĩnjĩri ũcio mũtheru
Nĩatĩrĩirie Daudi
Maguta Roho ũkĩiyũra
Daudi ngoro

9.
Isaia na Jeremia
Nĩ atũmwo a kwĩhokeka
Na Danieli na Elija
Na Ezekieli

10.
Joeli nĩatuirwo mũira
Wa kumbũrĩra andũ othe
Nĩmagaitĩrĩrio Roho
Ta arĩ maguta

11.
Amosi erirũo nĩ Roho
Gũkagĩa na ng’aragu
Na ti ya irio nĩ ya kwaga
Ũhoro wa ma

12.
Ngoro cia arĩa maiyũire thĩ
Nyota nĩ ũgaciũraga
Na ti wa maaĩ nĩ kwaga
Ciugo horeru.