35. KUUMA O KIAMBIRIRIA GIA KUMBA THI

1.
Kuuma o kĩambĩrĩria,
gĩa kũmba thĩ na igũrũ
Ndirĩ ndahitha mũndũ wakwa ũndũ
Tondũ nĩndĩmwĩraga,
o ũrĩa wothe ngwenda,
Na ndĩmwĩraga njĩra itarĩ ngaja

Tonyai, thabina-inĩ mũhonokio
Thakame-inĩ ya Jesu,
nĩ thabina ya mũico
Nuhu aaka thabina,
yarĩka magĩtonya
Mbura yoira aregi nĩ maninirwo

2.
Nĩnderirire rĩmwe,
ndamũthura Saulo Rĩrĩa ndamũhũthĩrire Samueli
Nĩnderire Saulo,
akanine indo ciothe
Na ndagatigie kĩndũ kĩna thahu

3.
Saulo nĩaregire, na agĩtigia Agagi
O na ndũrũme imwe iria ciarĩ noru
Ũndũ ũyũ ndwangenirie,
wa ũremi wa Saulo
Nĩndathanire aninwo hamwe nacio

4.
Ngenda mũririkane,
ũrĩa ndaathire Loti
Aikarĩte itũũra-inĩ rĩa Sodomu
Nĩndamwathire Loti,
nĩngũthũkia Sodomu
Oime kuo na ndakae kwĩhũgũra

5.
Ũndũ ũyũ nĩndekire,
nĩguo nũnge mahĩtia
Marĩa mekirwo nĩ mũka wa Loti
Nĩ ũndũ wa kwĩhũgũra,
noguo nĩndaregete
Hinya wakwa wamũtuire gĩcumbĩ

6.
Ngenda mũririkane,
ndungata ya Elisha
Nĩmũmĩũĩ mũmĩtaga Gehazi
Yerirĩirie gũtonga,
o na ĩnine njaga
Ngĩmĩgaĩra mangũ ma Naamani

7.
Ngenda mũririkane,
motonga ma Ayubu
Maarĩ merĩ wa gũkũ thĩ na igũrũ
Wa gũkũ thĩ waninwo,
nĩ mũnene wa thĩ ĩno
Ahootana merĩ nĩndarĩhire

8.
Ngenda mũririkane,
mũrĩmi ũmwe wa tene
Irio ciake nĩciaciarire mũno
Na rĩrĩa ecũranagia,
araramie makũmbi
Ngĩmwĩra mwĩĩro wa ngoro tiga

9.
Ngenda mũririkane,
Anania na mũka
Nĩmendirie gĩthaka kĩarĩ kĩao
Marĩkia kũoya mbia,
nĩmegaĩire imwe
Nĩcio ciatũmire erĩ mathikwo

10.
Nĩndutĩrwo igongona,
rĩa ngoro hehenjeku
Ona ningĩ rĩa ngoro ndumbetheku
Igongona ta rĩu,
nĩrĩngenagia mũno
Tondũ nĩ igongona rĩtarĩ ũcuke.