297. TIRA MAITHO MAKU URORE IGURU

1.
Tira maitho maku ũrore igũrũ
Wone riũa na wone mweri
Na wona njata ma matu-mairũ
Ũmenye Ngai nĩ mũnene ũrũmie ũrĩa oigire

2.
Wĩhũgũre na mĩena yothe wone na maitho
Irĩma nene na wone mĩkuru
Na wona thĩ nyũmũ na mĩtĩ
Ũmenye Ngai nĩ mũnene ũrũmie ũrĩa oigire

3.
Ngai athamakagĩra indo ciothe
Kĩndũ o gĩothe kĩ na muoyo
Hĩndĩ ĩrĩa mbura yoira thĩ
Tega matũ ũigue Ngai akĩgoocwo

4.
Ngai agoocagwo nĩ indo ciothe
Mĩtĩ na nyeki na mbeu ciothe igakena
Na nyamũ ciothe igakena mũno
Gĩkeno kĩnene mũno makĩria

5.
Hinya wa Ngai wa kũgegania
Nĩ indo iria iciaragwo gũkũ thĩ
Onei ikoragwo i mbeũ nyingĩ
Na gũciaragwo indo nyingĩ na ikaneneha

6.
Ũũgĩ wa Ngai nĩguo ũtũmaga
Maciaro mothe makũre makaneneha
Gũkoneka ũndũ mũgima
Ũgima ũrĩa uumĩte ũũgĩ-inĩ wa Ngai

7.
Ikeno ciothe cia mwĩrĩ nĩ igathira
Na maũgĩ mothe ma mwĩrĩ mathire
Na hitho ciothe nĩigathira biũ
Rĩrĩa Ngai agaikarĩra gĩtĩ atue ciira

8.
Tũhinga tuothe mũthenya ũcio
Menyai tũhinga tũkaguũrio na ma
Mbere ya Ngai ũhinga nĩũkaingatwo
Na nduma yothe nĩĩkaingatwo nĩ ũtheri wa Ngai.