28. KIAMBIRIRIA GIA GUTUONIA

1.
Kĩambĩrĩria gĩa gũtuonia,
Jehova nĩ mũtheru
Ningĩ e ũiru ndarĩ itherũ,
rĩrĩa ekuuga maathani
Nĩ Adamu ũrĩa wahetwo,
ũthamaki wa thĩ yothe
Na akahumbĩrwo na ũnene,
akahana ta’rĩ Ngai

2.
Erirwo atũũre athiaga,
thiritũ na Jehova
Na egitagie kĩĩgunyi-inĩ,
kĩa mũtĩ ũrĩa wa muoyo
Maathani marĩa aigĩrĩiruo,
ahenio akĩmarekia
Ngai akĩmũiguĩra ũũru,
akĩmũtunya ũthamaki

3.
Ngoro yake yatigirwo,
njaga ĩtarĩ na nguo
Na ĩgĩthengio kĩĩgunyĩ-inĩ,
ĩgĩtwarwo thĩ ĩrĩa nyũmũ
Mũgũnda wothe Jehova,
akĩũthiũrũrũkĩria
Na hiũ ciarĩrĩmbũkaga,
ta mwaki ũrĩa ũgwakana

4.
Kũrathimwo nĩ igongona,
rĩa ngoro ya Habili
Tondũ arutire maguta,
magĩkenia Jehova
Nyũmba yake ĩkĩrathimwo,
na irathimo cia igũrũ
Na ciana ciake igũtũũra,
irathimagwo nĩ Ngai.