241. KUUMA UMUTHI TIGA MITHAIGA NA NJOHI

1.
Kuuma ũmũthĩ tiga mĩthaiga
Na njohi na mbakĩ
Na thigara na bangi

Kĩgongona-inĩ ũmũthi nĩ Jesu wĩ ho
Na thakame ya mbaru-inĩ ciake mwene
Menya na ma, ti thakame
Ya mbũri na ng’ombe ũtige itherũ
Cemaga ũgĩtonya nyũmba ya Ngai

2.
Regaga maheni na itherũ
Na ciugo cia ũhinga
Regaga ũtharia

3.
Ũtige ũici na njukũ na hitho njũru
Na rũnga’thio
Na ũthũ na ũremi

4.
Hutatĩra mbaara na marakara
Na muku na ũtunyani
Na mwĩgatho wa mwĩrĩ

5.
Tiga meciria moru
Na ungumania na ũtũrĩka
Na ũgũũta na thieya

6.
Ndũkanecirie kũhũndũka
Maũndũ-inĩ marĩa wekaga tene
Gwa Caitani

7.
Tiga kũgarũrũka meciria-inĩ
Tigaga gũtuĩka mũndũ
Wa mathangania wĩhokage Ngai

8.
Tene Ngai athaithagwo
Na ng’ombe na ndũrũme na thenge
Na ndirahũgĩ na mũtu mũhinyu.