238. KIRIMA-INI KIA MITAMAIYU

1.
Kĩrĩma-inĩ kĩa mĩtamaiyũ
Jesu nĩehumbire ũnene
Ũthiũ ũgĩthera ta riũa
Na nguo igĩthera cua

2.
Ũrutani wa ma
Na ti wa rũgano
Nĩ wa Petero na atũmwo
Othe ikũmi na erĩ

3.
Matiarũmĩrĩire
Ng’ano cia Ayahudi
Petero oigire na ma
Nĩmamwĩyoneire

4.
Mũtũmwo Petero
Na Jakubu na Johana
Matuĩkire aira Jesu akĩũmba
Kĩrĩkanĩro kĩerũ

5.
Jesu nĩetire Musa
Na agĩĩta Elija
Matuĩke aira Ngai agĩũka ho
Na itu na mũgambo

6.
Mũgambo ũgĩathana
Umĩte ũnene-inĩ
Ngai akiuga “Ũyũ nĩangenagia
Mwathĩkagĩrei”

7.
Petero akiuga etĩkĩrio
Aake nyũmba ithatũ
Ya Musa na ya Elija
Na ya Mwathani Jesu

8.
Atũmwo acio atatũ
Nĩmonire Jesu
Ehumbĩte ũnene wa Ithe
Akĩmarathima

9.
Ekire ũndũ mwerũ
Maũndũ akĩerũhia
Na irĩkanĩro akĩerũhia
Na magongona akĩerũhia.