227. NI KABA KUHIUHA KANA KUHORA

1.
Nĩ kaba kũhiũha kana kũhora
Ndũgatuĩke mũndũ mũraru o ũguo
Ndũhota gũkenia athamaki erĩ
We wĩthurĩre ũmwe

Rĩu ũmũthĩ nĩwaathurwo ũrute wĩra
Wa Ngai wĩneane ũtuĩke mwene wĩra
Ta ũrĩa Jesu atuĩkire mwene kĩgongona

2.
Mawĩra ndũhotanĩria merĩ
Wĩra wa Jesu ndũhota, na ũhote wa Caitani
Ndũngĩhota kũmakenia erĩ
Kenia mũnene ũmwe

3.
Rora wega mũno wone ũmenye
Atheru arĩa maarĩ a tene
Matiarutire wĩra wa athamaki erĩ
Mendire Jesu biũ ngoro-inĩ ciao

4.
Nĩmaregire gũtuĩka ngombo cia Caitani
Makiuga nĩ a Mũthamaki Jesu
Makĩũragĩrwo Rĩĩtwa rĩa Jesu mwega
Na matigarũrũke

5.
Kũnyitwo nĩ kĩrumi nĩ andu arĩa Jesu
Etĩire gĩathĩ makĩona ũguo ti ũndũ
O mũndũ agĩthiĩ kũrĩa erirĩirie
Kũrĩa eyendeire na ngoro yake

6.
Arĩa mahetwo gĩtĩo mathiĩ mbere
Gĩathĩ-inĩ gĩake, makĩmũconora
Makĩnenehia mabata mao
Mwene gĩathĩ kĩu akĩrakara o biũ

7.
Mwene gĩathi arakara, erire ngombo ciake
Umagarai narua mwĩtanĩre gĩathĩ
Andũ arĩa ngwĩtĩte mbere namarega
Gũtirĩ ũngĩcama gĩathĩ gĩakwa

8.
Ngombo ikiumagara o narua igĩĩta
Arĩa athĩni na cionje, na agũrũki na ciana
Othe maheo gĩathĩ kĩa Mũthamaki Jesu.