211. WIRA WA NGAI WI RUO MUNO

1.
Wĩra wa Ngai wĩ ruo mũno
Na mehinyĩrĩria
Gĩtũmi nĩ wĩra mũndũ akarĩhwo
Mũcaara ngoro ĩkene
Mwene wĩra ũyũ ambĩrĩirie na ruo
Na akĩrĩkia na ruo

Wendani na tha na ũmenyo mũnene
Nĩciatũmire Jesu enyihie arutane
Ruo rũmũiyũire

2.
Mwathani atanoima igũrũ
Nĩakorirwo oĩ
Mathĩna mothe marĩa akona
Rĩrĩa agoka thĩ
Nĩkĩo Jesu atũmire anabii
Mbere matuĩke aira ake na moimbũre
Wĩra ũrĩa we akaruta

3.
O mũthenya ũrĩa Jesu aciarirwo
Thĩna ũkĩmũnyita
Na ndwacokire kũmũrekia
Nginya mbĩrĩra-inĩ
Mariamu nyina wa Jesu
Amũciarĩire handũ thĩna-inĩ
Nyũmba ya ng’ombe mũharatĩ-inĩ
Me rũgendo-inĩ

4.
Thĩna mũnene nĩ ũndũ wa Jesu
Wang’aũkĩire
Atumia Herode athana
Moragĩrwo ciana
Hĩndĩ ĩyo ruo rwarĩ rũnene
Rwa nyina wao Rakeri
Bũrũri ũcio wothe warĩ kĩrĩro
Ta ũrĩa kwarathĩtwo

5.
Jusufu marĩ na Mariamu
Nĩ monire thĩna
Mararire magĩthiĩ ũtukũ
Mahonokie mwana
Jesu ndakae kũragithio
Nĩ ũiru wa Herode mũthamaki
Tondũ yarĩ hinga

6.
Mbere ya Jesu kwambĩrĩria
Wĩra ũyũ nĩonire
Thĩna wa ng’aragu ya matukũ
Mĩrongo ĩna ahũtiĩ
Na thĩna ũngĩ nĩ ũndũ wa ngarari
Cia andũ ogĩ hinga i ũiru andĩki-marũa
Na Afarisai

7.
Amenya atĩ wĩra nĩũrathira
Jesu nĩombũrĩire
Atũmwo ake aakinya Jerusalemu
Nĩakarĩkia wĩra
Anyitwo na acurio o biũ mũtĩ igũrũ
Othe makĩmaka

8.

Petero na Johana makĩamba gũthiĩ
Ndundu marĩ o erĩ
No Petero akĩra Jesu hoya
Gũtigatuĩke ũguo
Jesu akĩmwĩra coka thutha wakwa
We wĩ mũhĩtithia ndwĩciragia
Ũrĩa kwandĩkĩtwo.