187. MUTHENYA URIA NGACEMANIA

1.
Mũthenya ũrĩa ngacemania
Na gĩkuũ ndikahũndũka
Twarĩkanĩire na Jesu
Ngagocithia Rĩĩtwa rĩake

Roho nĩanjĩtire ngĩamuranio na thĩ
Ndingĩgarũrũka ngoro
Nĩ ndehĩtire mwĩhĩtwa
Ngiuga nyendete Mwathani

2.
Ngai na Jesu na Roho
Na araika nĩ makenaga
Rĩrĩa mona ndacemania
Na magerio ngomĩrĩria

3.
Andũ arĩa endi Ngai na ma
Wendo wao ndũthiraga
Caitani oiga makagerio
Momagĩrĩrio nĩ Roho

4.
Magerio matihoragia
Mwaki wa Roho ũrĩa wa ma
Nĩ gwakana wakanaga
Caitani agaconorithio

5.
Jesu nĩomĩrĩirie mũno
Akiumbũrĩra thĩ yothe
Mũndũ ũkangana kũrĩ andũ
Na niĩ ngamũkana igũrũ.