185. CIANA CIA ISIRAELI RIRIA

1.
Ciana cia Isiraeli rĩrĩa
Moimaga bũrũri wa ũkombo
Jehova amotongoririe na itu
Nao arĩa maiguire Jehova
Nĩo maakinyire Kaanani

Ngũmũthaitha ndĩmwĩre na ma
Tongoragioi nĩ Jehova
Nĩwe Mũtongoria mũnene
Nao arĩa mamwathĩkagĩra
Mathiaga na magakinya

2.
Athuuri arĩa atatũ ogĩ a njata
Hĩndĩ ĩrĩa monire njata ĩo
Makĩmĩathĩkĩra makĩria
Nayo ĩkĩmatongoria kinya
Magĩkinya harĩa Jesu aarĩ

3.
Anabii na atũmwo a Jesu
Maatũũrire na thĩna mũingĩ
Nao mahootire Caitani
Nĩgũtongorio nĩ maathani
Rĩu matũũraga matu-inĩ

4.
Na inyuĩ arĩa mwĩtĩkĩtie rĩu
Mwagĩrĩirwo kũmenya na ma
Mũtongoria wanyu ũrĩa wa ma
Nĩ Roho Mũtheru wa Ngai
Kinya akamũkinyia matu-inĩ

5.
Andũ arĩa moigaga na tũnua
Atĩ merekeire matu-inĩ
Matingĩmenya njĩra yakuo
Tondũ nĩmaaregire Roho
Muonania wa njĩra ya igũrũ.