157. TA URIA TWARIKANIIRE NA BABA MATU-INI

1.
Ta ũrĩa twarĩkanĩire
Na Baba matu-inĩ
Ndahoota magerio ma thĩ
Nĩakahe ũthamaki

Simoni abatithirio
Nĩ Jesu agĩtuwo
Kefa Petero ihiga
Kũmĩrĩria ngoro

2.
Inyuĩ mũtũũraga na niĩ
Magerio-inĩ makwa
Nĩndarĩkanĩra na inyuĩ
Ngamũhe ũthamaki

3.
Caitani athaithĩte Ngai
Etĩkĩrio inyuĩ
Amũthũngũthie ta ngano
Ĩ gĩtarũrũ-inĩ

4.
Simoni Petero wee
Niĩ nĩngũhoeire
Wĩtĩkio wa ngoro yaku
Ndũkae gũthira

5.
Arutwo a Jesu aingĩ
Makĩgarũrũka
Petero akiuga he Jesu
He ciugo i muoyo

6.
Petero akĩũria Jesu
Tũkarĩhwo indo atĩa?
Akĩrwo nĩ maita igana
Na mũheo muoyo

7.
Wenda ũtuĩke mũmĩrĩru
Tongoragio nĩ ma
Ngoro yaku ĩrĩikaraga
Ta ya mũthamaki

8.
Maheni na njukũ na ũthũ
Na ũũgĩ wa mwĩrĩ
Hĩndĩ ĩrĩa igagũtongoria
Nĩũkagĩa na guoya.