153. NGAI NA JESU NA ROHO MAGETA NDURIRI CIOTHE

1.
Ngai na Jesu na Roho
Mageta ndũrĩrĩ ciothe
Na mete araika othe
Marũrũngane ciira-inĩ

Hingũrai matũ mũthikĩrĩrie
Mũthenya mũnene wa kũmakia andũ
Ũrĩa Jesu agatua ciira
Aikarĩire ũhoro wa ma
Ta’rĩ gĩtĩ gĩa ũthamaki

2.
Ituĩro rĩa atongoria othe
Rĩa gũtonya gĩkeno-inĩ
Nĩ rĩgatuĩka rĩnene
Na rĩa ruo-inĩ no inene

3.
Kĩeha kĩnene kĩa andũ arĩa
Marutanaga maũndũ
Tondũ Jesu nĩakoragia
O mũndũ ũrutani wake

4.
Atũmwo arĩa mahunjagia
Nĩmagacokanĩrĩrio
Othe monanie ũhoro
Ũrĩa mahunjagĩria andũ

5.
Hĩndĩ ĩo athĩnjĩri othe
O na ciĩruru cia Jesu
Magetwo othe monanie
O mũndũ igongona rĩake

6.
Gũkonganio abatithania
Moime ndũrĩrĩ-inĩ ciothe
Moimbũre na ma gĩtũmi
Kĩa ũrĩa mabatithagia andũ

7.
Roho nĩageta anabii
Na andũ othe arĩa marathaga
O mũndũ onanie ũira
Wa ũrathi ũrĩa aarathire

8.
Jesu akonania meciria
Ma athuuri na atumia
Na anake na airĩtu
Na tũhĩĩ na tũirĩtu

9.
Ũrĩa mũtheru nĩetherie
Jesu we ndarĩ na ũũru
Nĩ ciĩko ciaku igatũma
Uuge mbu kana ũtheke

10.
Mĩoyo ya andũ nĩĩkarĩhio
Na thakame yothe ĩrĩhio
Arĩa mahĩtithagia andũ
Nĩguo makona mũtino.