134. JESU ARIKIA KWAMBWO

1.
Jesu arĩkia kwambwo
Atũmwo ikũmi na erĩ
Hatirĩ watithirie
Kana acoke na thutha

Momĩrĩirie mũno
Marute andũ
Njĩra ya muoyo
Nĩ mũtharaba

2.
Petero ambirwo ainiĩ
Nĩ mũthamaki Nero
Paulo mũira wa ma
Akĩrengwo mũtwe

3.
Andarea ohirwo
Na mĩnyororo ĩna
Moko na magũrũ
Mũtĩ igũrũ agĩkua

4.
Jakubu wa Zebedi
Arengithirio mũtwe
Na rũhiũ rwa njora
Nĩ mũnene Herode

5.
Johana wa Zebedi
Arugirwo na nyũngũ
Na akuĩrĩire Efeso
Akiugaga endanai
6.
Filipu ambirwo e muoyo
Mũtharaba igũrũ
Bũrũri ũcio ambĩirwo
Ukĩenyenya wothe

7.
Baritholomayo
Ahũũrirwo na mĩtĩ
Na agĩthĩnjwo e muoyo
Na akĩrengwo mũtwe

8.
Toma gũkua gwake
Athecirwo na itimũ
Na akĩrathwo na mĩguĩ
Akĩũragwo na mahiga

9.
Mathayo akorirwo
Nĩ thigari agĩthoma
Watho wa igongona
Akĩũragwo na itimũ

10.
Jakubu wa Alufayo
Ahũũrirwo na mahiga
Arega gũkua narua
Agĩthecwo mũtwe

11.
Juda arengirwo
Mũtwe wake na ithanwa
Simoni Zelote
Agĩatũrwo na thoo

12.
Mathia ahũũrirwo
Na mahiga na akĩambwo
Atanatuĩkana
Akĩrengwo mũtwe