105. JEHOVA NIOMBIRE THI NA AKIIYURIA NYAMU I MUOYO

1.
Jehova nĩombire thĩ akĩiyũria
Nyamu i muoyo mĩthemba yothe
Na akĩũmba irĩma o na thĩ nyũmũ
Mĩtĩ na maaĩ akĩamũrania

Roho umĩte kũrĩ Jehova
Nĩgũcokereria ũcokagĩrĩria
No roho mũũru ũhurunjaga
Andũ othe o mũndũ na njĩra yake

2.
Matu-inĩ nakuo Ngai ekĩrire
Ũtheri mũnene riũa na mweri
Na njata nyingĩ ituĩke imũrĩ
Cia kũmũrĩkĩra thĩ yothe

3.
Moko ma Ngai makũmbanirie
Adamu na ndaka ya tĩri wa thĩ
Ciĩga agĩkĩrwo ciothe agĩcoka
Kũhuhĩrwo mĩhũmũ ya muoyo

4.
Iguai inyuothe mũmenye na ma
Thĩinĩ wa kanitha noguo gũtariĩ
Jesu athambirie atũmwo nyarĩrĩ
Ombe kĩrĩkanĩro kĩerũ

5.
Mwathani witũ nĩombire ciĩga
Ciothe na agĩciohania na wendani
Mũtwe na moko o na magũrũ
Na matũ na maitho ningĩ na kanua

6.
Mwĩrĩ ũcio wothe warĩkia kũmbwo
Jehova akĩũitĩrĩria Roho
Ngoro ĩgĩe ũũgĩ wakũrutithia
Kĩĩga o wĩra wakĩo mwene

7.
Kanitha wothe ũkĩgĩa atũmwo
Na anabii na arutani
Ciama iringagwo cia kũhonania
Na gũteithania na gũtaarana

8.
Wĩra wĩ hinya nĩ gũkũũrana
Roho ũrĩa wa ma na roho mũũru
Ũrĩa ũngĩbuthia kanitha wothe
Ũharagane ũtuĩke mũkuũ