521. MWIMENYERERE

1.
Mwĩmenyerere
Na mũmenyerere rũũru rũrũ
Roho Mũtheru inyuĩ
Amũtuire arĩithi a ruo
Menyererai ciĩko cianyu
Gĩai kĩyo mwarahũke toro
Mũrĩithie rũũru rũrũ
Roho Mũtheru amũneire
Inyuĩ rũmiai watho
Wa mbuku ya Ngai

Tũriai ũhoro wa ma
Tũriai kĩrĩkanĩro
Inyuĩ na Ngai mũtũũre
Mwĩ ngoro ĩmwe na ma
Mwĩhũgage ũtukũ na mũthenya
Tigai toro hoyai Ngai
Na ma na ma
Inyuĩ arĩithi mũgakinyia
Rũũru rũrũ
Muoyo-inĩ wa tene na tene

2.
Inyuĩ ng’ondu thikĩrĩriai
Mĩgambo ya arĩithi
Arĩithi a ma Jesu oigire
Nĩmũrĩmamenyaga
Nĩ ciĩko ciao ningĩ
Akiuga ng’ondu nĩciũĩ
Mũgambo wa Mũrĩithi wa ma
Mwĩmenyerere inyuĩ ene
Hoyai Ngai amũteithie
Mũgakinya muoyo wa tene na tene

3.
Inyuothe hoyai nĩmũkũheo
Ringaringai mũrango
Nĩmũkũhingũrĩrwo
Ũguo nĩguo Jesu oigire
Akĩrutana akiuga Ngai
Nĩakamũteithũrithia
Kwĩ nyamũ ciothe muume
Magego-inĩ ma nduĩra
Na inyuĩ mũgooce Ngai
Mwĩyendeire na ma.