517. MENYAI IRIKANIRO CIA ROHO MUTHERU

1.
Menyai irĩkanĩro cia Roho Mũtheru
Iria arĩkanĩire na atheru othe
Nĩamatongorie kinya muoyo-inĩ
Rũgendo-inĩ kwĩ wega kwĩ ũũru

Anabii na atũmwo matũũrire
Me na ruo rũnene ngoro-inĩ ciao
Na maithori maingĩ t’arĩ maaĩ
Maithori ma mũthenya na ũtukũ

2.
Kũmenwo na kũrumwo na gũcambio
Na kũigĩrĩrwo igenyo itarĩ gĩtũmi
Na kũnyarirwo nĩ thũ cia ũhoro wa ma
Ũguo nĩguo atheru acio mekirwo

3.
Ngoro-inĩ ciao maarĩ na ruo rũnene
Meciria mao maakanaga ta mwaki
Maririkana muoyo wa tene na tene
Makarĩrĩra Ngai ũrĩa wamerĩire muoyo

4.
Nĩ Ngai wamaguũrĩirie ngoro-inĩ ciao
Gĩkeno kĩrĩa magakena maakinya Igũrũ
Na wega ũrĩa makona mahoota magerio
Ngoro-inĩ ciao makĩaga mathangania

5.
O na nĩmoohirwo korokoro-inĩ
Na makĩhũrwo na iboko irĩ njaaga
Magĩtemengagwo na hiũ cia njora
Rĩĩtwa rĩa Ngai rĩgĩtũma momĩrĩrie

6.
Atheru acio matiathombocanirie
Ũhoro wa ma na ndeto itarĩ cia ma
Ngoro-inĩ maiyũirwo nĩ Roho wa ma
Roho nĩwe warĩ hinya wao rũgendo-inĩ

7.
Nĩkĩo meciria mao matagarũrũkire
Roho nĩwe wamaguũrĩirie muoyo
Ũrĩa maigĩirwo nĩ Ngai matu-inĩ
Muoyo ũtagakua muoyo wa tene na tene.