6. HINGURAI MATU MUIGUE MUMENYE. (9/12/1946)

1.
Hingũrai matũ mũigue mũmenye
Ũhoti na ũũgĩ na ũthamaki
I moko-inĩ ma Ngai, Habili nĩwe mũira

Tondũ wa gũthaitha Jehova na ma
Nake akĩonererio njĩra ya ũtheri

2.
Iburahĩmu etwo nĩ Ngai akĩigua
Atũire Kaanani na gĩthĩnjĩro
Arĩragĩra Ngai akĩhoota ndũrĩrĩ

3.
Musa ahootanĩirwo kwa Firaũni
Nĩ igongona itheru athĩnjĩire Ngai
Agĩtiga amomora ũnene wa Misiri

4.
Thũ ciahinga njĩra Musa aambatire
Kĩrĩma-inĩ na Huri na Harũni
Matiira Musa moko Joshua akĩhoota mbaara

5.
Akani aiya indo iria ciarĩ kĩrumi
Thũ ikĩũraga anake mĩrongo ĩtatũ
Na atandatũ Joshua na athuri othe makĩrĩra

6.
Gideoni na Jefitha mahootire ita
Ngoro ciũmĩrĩirie itegũthangania
Gideoni akĩiga rũũa na Jefitha akĩĩhĩta

7.
Ũthĩnjĩri nĩguo ũhonokanagia
Jesu akũũrire andũ na ũthĩnjĩri
Wa thakame na maaĩ magĩitĩrĩrio Roho

8.
Jesu arĩ matu-inĩ gĩthĩnjĩro-inĩ
Nĩwe Mũthĩnjĩri wa ngoro ciothe
Nake Roho e mbaara-inĩ thĩ-inĩ wa ngoro cia andũ