492. ETAGWO ADAMU URIA

1.
Etagwo Adamu ũrĩa
Wambire kwarĩrio
Nĩ Jehova na mũgambo
Ũcio Adamu na Hawa
Maira kiugo kĩa Ngai
Ngai akĩmatunya irathimo
Ciothe agĩcihe Iburahĩmu

Mũgambo wa Ngai
Daudi rĩrĩa ainaga
Na Roho nĩerire andũ
Ũmũthĩ mũngĩigua
Mũgambo wake
Tigai kũmia ngoro cianyu

2.
Mũgambo wa Jehova
Nĩ mũtheru Adamu na Hawa
Mehia kiugo kĩa Ngai
Maigua Ngai aaria na mũgambo
Makĩmwĩra me njaga matirĩ nguo
Nĩ maagararire watho wake

3.
Iburahĩmu aatũũrire aathagwo
Nĩ Jehova na mũgambo
Rũgendo-inĩ rwake ruothe
O nginya agĩtonya mbĩrĩra-inĩ
Ngoro-inĩ agwatĩirie
Kiugo kĩa Jehova nake Jehova
Akĩmũrathima
4.
Jehova arĩirie andũ
Na mũgambo aikarĩire
Kĩrĩma igũrũ gĩa Sinai
Akĩmatha maathani ikũmi
Makĩiguaga mũgambo ta coro
Na mationire mũhianĩre wa kĩndũ
Kĩrĩa mangĩgerekania Jehova nakĩo

5.
Jesu me kĩrĩma-inĩ kĩa mĩtamaiyũ
Itu rĩarĩkia kũhumbĩra kĩrĩma
Mũgambo woimire itu-inĩ rĩu
Ũkiuga “Ũyũ nĩ Mũrũ wakwa
Ngenaga nĩ ũndũ wake mũiguagei
Mũthaithei ndakarakare mũthirĩre
Njĩra mũtanakinya muoyo-inĩ”

6.
Paulo arĩirio nĩ Jesu
Na mũgambo mũnene arĩkia
Gũtungumanio njĩra-inĩ akĩhootwo
Akĩgarũrwo agĩtiga kũhũũra arutwo
Agĩtuĩka njamba ya Rĩĩtwa rĩa Jesu
Ndũrĩrĩ-inĩ ciothe akĩiyũria
Ũhoro ũrĩa mwega.