475. MWATHANI NDAGUTHAITHA

1.
Mwathani ndagũthaitha
Ndũkanandige magerio-inĩ ma Caitani
Tondũ ndwatiganĩirie
Andũ aku arĩa maarĩ a tene

Mwathani ndagũthaitha
Tũũraga ũmenyereire

2.
Wahonokirie Nuhu
Harĩ mũiyũro wa maaĩ
Nake oima Thabina
Agĩkũrutĩra igongona

3.
Wahonokirie Musa
Moko-inĩ ma Firaũni
Na rĩrĩa oimaga Misiri
Agĩkũrutĩra igongona

4.
Wahonokirie Danieli
Magego-inĩ ma mĩrũthi
Nake aroka kuma irima
Rĩĩtwa rĩaku rĩkĩgoocwo

5.
Mwathani wakwa honokia
Kwĩ nyamũ ciothe ĩrĩa njũru
Na ũtũũre ũmenyereire
O nginya ngakinya igũrũ

6.
Mwathani ũhe hinya
Ngoocithagie Rĩĩtwa rĩaku
Ngakumbũra harĩ andũ othe
Nyonanie wendani waku.