473. JESU OIMIRE IGURU

1.
Jesu oimire igũrũ
Agĩũka kũhingia
Kĩrĩkanĩro kĩa Ngai
Na andũ a Isiraeli

2.
Jesu oka gũkũ thĩ
Nĩamenirwo mũno
Na agĩthiĩrwo nĩ athĩnjĩri
Nĩguo mamũũrage

3.
Nĩ mamũgũrire
Nĩguo mamũũrage
Na magĩtũma makanga
Nĩguo mamũgĩre

4.
Jesu nĩakorirwo
Arĩ mũgũnda-inĩ
Nĩ makanga akĩmoria
Nũ mũgũcaria?

5.
Jesu nĩanyitirwo
Agĩthiĩ arĩ muohe
Agĩkinya gwa Kaiyafa
Mũthĩnjĩri Ngai

6.
Na kwaroka gũkĩa
Makĩĩra Pilato
No mũhaka mũndũ ũyũ
Aambwo mũtĩ-igũrũ

7.
Nĩ mamũũragire
Akĩambwo mũtĩ-inĩ
Na makĩmũruta nguo
Nĩguo amenwo nĩ andũ

8.
Jesu akirĩrĩirie
Ruo ruo ruothe
Nĩ ũndũ wa kĩrĩkanĩro
Gĩa Ithe o na araika

9.
Na inyuĩ inyuothe rĩu
Nĩmwarĩkanĩire
Na Ngai hamwe na Jesu
Na Roho Mũtheru

10.
Mũkĩrĩkanĩra
Mũtikahũndũka
O na mũngĩona ruo
Nĩmũkomĩrĩria

11.
Hĩndĩ nĩĩkinyĩte
Mũgocithie Ngai
Na muonanie kũrĩ andũ othe
Atĩ nĩmũmũũĩ

12.
Mwĩhokei Jesu
No mũkahotana
Ta ũrĩa Jesu ehokire Ithe
Nake akĩhotana.