48. JEHOVA ARI WATHO WAKE

1.
Jehova arĩ watho wake, na maathani make
Ma gũtongoria andũ namo, magĩthiĩ muoyo-inĩ
Na nĩ arĩ anabii ake, na atũmwo atheru
Ona araika a gũtungatĩra
Ũthingu wothe, na Roho wa ma nĩ mũira wao

2.
Mawatho ningĩ maathani, ma Ngai nĩ maya
Maiguei inyuĩ mwendete, mũkagaya muoyo
Nĩ ũhoreri na ũthingu na ũhoro wa ma
Na wendani na tha na ũtugi
Na mahoya na gwĩtĩkia na ma
Na ngoro ĩtarĩ na mathangania

3.
Gwĩkaga maũndũ mothe, ngoro ĩna wendo
Hĩndĩ ĩrĩa ũgũtungatĩra, Ũhoro ũrĩa mwega
Na ũgĩe kĩo na ũtheri, ũtherere andũ othe
Rĩu nĩrĩo igongona itheru
Rĩa gũkenia Jesu agithaitha Ithe
Gĩthĩnjĩro-inĩ kĩrĩa kĩa igũrũ

4.
Caitani nĩarĩ maathani, make na mawatho
Ahĩtithanagia namo, ndakanahĩe e wiki
Ningĩ e na ngombo ciake, na anabii ake
Ona araika arĩa mathũkagia
Ndũrĩrĩ iria ciyũrĩte thĩ ĩno
Igeragĩre njĩra ya gĩkuũ

5.
Watho wa bũruri ũcio, wĩtagwo mwaki-inĩ
Ũrĩa Caitani athanire, andũ ake mekage:
Nĩ ũtharania na ũici na ũragani
Na maheni na njukũ na ũthũ
Na gũcambania, na marakara na kurumana


6.
Merirĩria marĩa moru, ma indo ciene ciothe
Na merirĩria ma mwĩrĩ, na ũiru na mbaara
Na mwĩgatho na ũhinga na ũtũrĩka
Na ũtunyani na kwamũkana
Na kũgooca mĩhianano ya thĩ
Macio nĩ maathani ma mwaki-inĩ

7.
Mũcukani watho wake nĩ andũ mamenane
Mokanĩrĩre o ene, na mairaine othe
Megoocage o mũndũ na njĩra yake
Maiyũirwo nĩ ngarari tũnua
Menyai inyuothe watho ũcio nĩ araika
A mũcukani marutanaga.