468. UCIO JESU WENDO WAKE

1.
Ũcio Jesu wendo wake
Warutire andũ othe
Ngai akenagio nĩ gwĩka
No ti kuuga gũtheri

We nĩendete Ngai mũno
Na maathani marĩa ikũmi
Mothe akamagwatĩria
Gũkĩra indo iria ciombĩirwo
Andũ othe nĩ Jehova

2.
Ngoro-inĩ ya mũtheru ũcio
Ĩrĩ wendo mũnene
Acemania na mathĩna
Wendo ũcio ndũthiraga

3.
Wendo ũcio nĩ wonanirio
Nĩ Iburahĩmu rĩrĩa
Erirwo akarute mwana
Wa mũmwe ahe Ngai

4.
Ithe na nyina maheirwo
Mwana ũcio marĩ akũrũ
Matiarĩ na ũngĩ tiga ũcio
Ithe aheire Ngai

5.
Mwana ũcio ũgwĩtwo Isaka
Nĩendete Ngai mũno
Tondũ erwo nĩahetwo Ngai
Nĩ ithe ndanegenire

6.
Jesu nĩerire aciari othe
Ũrĩa wendete mũriũ
Kana ũrĩa wendete mwarĩ
Kũngĩra ũcio ti wakwa

7.
Mwathani nĩerire ciana
Ũrĩa wendete ithe
Kana ũrĩa wendete nyina
Kũngĩra ũcio ti wakwa

8.
Atongoria ikũmi na erĩ
Mendirie ithaka ciao
Monanie Jesu nĩ mwega
Na Nĩwe igai rĩao.