463. MUCEMANIO WA SHAITANI NA ANDU AKE

1.
Mũcemanio wa Caitani na andũ ake
Nĩũracemanĩtio mũciĩ mũnene
Mecirie ũrĩa mekũnina kanitha
Magatua mawatho na kũhĩtũkia

Andũ nĩmarekererio kanitha
Mabatithio na maigĩrĩrwo moko
Ona kũhonoka marekererio
Na matikarekererio merire

2.
Mũthenya wa kiumia marekererio
Mũthenya wa gĩathĩ ũtuĩke mũnene
Moima kuo macoke marumĩrĩrio
Ikeno mĩthemba mariganĩrwo

3.
Mahingũrĩrwo irathimo cia mwĩrĩ
O na indo ciao mũreke cingĩhe
Kũmenya matikamenye gĩtũmi
Na matikaririkane cia igũrũ

4.
Nao arĩa mekuonwo ta mekũmenya
Mũmahĩngĩcithanie na morutani
Kamũira mecirie o nĩ arutani
Njĩra ya muoyo-inĩ mariganĩrwo

5.
Na arĩa matekwenda gũthiĩ kanitha
Mũkamera athomi nĩ ta agũrũki
Mũmahũrĩrĩrie nyũmba cia ikeno
Mũkamera gũkũ nĩ kwa andũ agima.