386. WIHOKE MWATHANI RUGENDO-INI

1.
Wĩhoke Mwathani rũgendo-inĩ
Na ũmũmenye wega ũtarĩ ngaja
O na wona thĩna tiga guoya
Wĩ guoko-inĩ gwake ndũkahootwo

2.
Ndũgathikĩrĩrie ndeto cia andũ
Rĩrĩa wĩna hinya menya wega
Nĩ wĩtĩkĩrĩtio ũmenyithie andũ
Jesu nĩ Mũkũũri wa kĩrĩndĩ

3.
Arĩa maarĩ mbere rũgendo-inĩ
Mbaara ya mwĩrĩ-inĩ maikaire atĩa?
Na kwarĩ na thĩna rũgendo-inĩ
Na ruo na ikeno cia gũkũ thĩ?

4.
Marũmagĩrĩra hĩndĩ ciothe
Roho mũtongoria maiyũrĩtwo
Nĩ wathĩki mũingĩ rũgendo-inĩ
Rĩu matũũraga gwa Ithe witũ

5.
Tiga kuoyanĩria mũndũ witũ
Ũthamaki wa Roho na wa mwĩrĩ
Ndũngĩhotanĩria ndagũthaitha
Tigana na mwĩrĩ ũthiĩ rũgendo

6.
Nokire na ngoro ũmenye wega
Meciria ma mwĩrĩ mendaga atĩa
Mendaga gũtiga waga muoyo
Na mwĩrĩ ũgathikwo ũtuĩke tĩri

7.
Cũthĩrĩria Jesu Mwendwa witũ
Rĩĩtwa rĩake etagwo Wa-mathĩna
Nĩatoririe magerio na thĩna
Nĩguo tũgakinya gwa Ithe witũ

8.
Arĩa maregire ũhoro wa ma
Makiuga nĩ ahũthũ rũgendo-inĩ
Maatiri ũhurũko gwa Ithe witũ
Kũrĩa metereirwo nĩ mwaki-inĩ.