379. THA CIA NGAI IROMUIKURUKIRA

1.
Tha cia Ngai iromũikũrũkĩra
Inyuĩ mũikaraga mũbatairio
Nĩ wega wa Ngai wonekane
Cikaro-inĩ cianyu rũgendo-inĩ

2.
Ngũmwĩra Ngai aromũrathima
Inyuĩ mũtũire na gĩthethũko
Tũrĩ kũnogera rũgendo-inĩ
Nĩ mbaara cia thĩ ĩno na magerio

3.
Gũtirĩ hingo mũtagakena
Mwarĩkia kũhootana mbaara-inĩ
Mũkinye gĩtĩ-inĩ gĩa ũthamaki
Mũthenya wanyu wa kũhurũka

4.
Mũkaheo thũmbĩ cia thahabu
Na nguo njerũ igũkenga mũno
Na rũthanju rwega rwa thahabu
Rwa gũciragĩrĩra ndũrĩrĩ

5.
Mũthenya ũcio noguo mũgakena
Thĩna na magerio iriganĩre
Mũkĩrorera ũthiũ wa Mwathani
Mũtongoria wanyu rũgendo-inĩ

6.
Kĩrĩro kĩingĩ nĩ gĩkoneka
Kũrĩ arĩa maaregire Mwathani
Mamuona agĩũka na ũnene wa Ithe
Gũtua ciira hamwe na arĩa atheru

7.
Noguo makeriragĩria makue
Ithenya rĩa wega wa Mwathani
Matigacoka kũririkana
Ikeno ciothe manona gũkũ thĩ.