32. NITWIHUGE NGORO

1.
Nĩtwĩhũge ngoro,
na twarahũre
Meciria ma roho,
tũthaithe Ngai
Rĩu tũtige toro,
ta andũ a gũkũ thĩ
Maciaro ma toro,
metagwo kũherithio

Maciaro ma toro
Nitũmaiguei
Tũmenye ti mega
Twihũge na ma

2.
Samusoni aarĩ,
njamba ĩ hinya
Hĩndĩ ĩrĩa akomire,
akĩenjwo njuĩrĩ
Hinya wothe ũgĩthira,
akĩohwo nĩ thũ,
Na agĩkũrwo maitho merĩ,
tondũ wa toro

3.
Ngai nĩatũmire,
thũ cia Gideoni
Ithiũrũrũkĩrio,
harĩa ciakomiĩ
Nĩ andũ a Israeli,
magwete imũrĩ
Thũ ikiũragana cio nyene,
tondũ wa toro

4.
Daudi nĩathire he mũthamaki
Akĩoya gĩtete,
na itimũ riake Na nĩatemire,
nguo ya mũthamaki,
Gĩcora kĩayo agĩtinia,
tondũ wa toro

5.
Korokoro yothe,
nĩyenyenyire
Paulo na Sila,
mainĩra Ngai
Mĩrango ĩkĩhingũka,
mũmĩrangĩri
Akĩruta rũhiũ ethece,
tondũ wa toro

6.
Paulo nĩogire,
andũ othe metwo
Moiganĩre ũhoro,
amarathime
Mwanake ũmwe agĩcũnga,
e ndirica-inĩ
Agĩkurumana agĩkua,
tondũ wa toro