259. MBERE YA RIUA KURATHA

1.
Mbere ya riũa kũratha
Arahũka ũhoe Ngai
Rũcinĩ tene ũinĩre Jehova
Ũcio wĩtagwo Ndũraga

Jehova ndarĩ akua
O na ndagakua
Etagwo Mũtũũra-muoyo

2.
Mũthenya o thaa ithathatũ
Ririkana ũhoe Ngai
Mũcokerie ngatho mĩaraho
Ũcio wĩtagwo Ndũraga

3.
Thaa kenda riũa rĩainama
Ndũkae kũriganĩrwo
Nĩkũhoya Ngai wĩ na ma
Ũcio wĩtagwo Ndũraga

4.
Riũa rĩathũa ũcokie ngatho
Harĩ Ngai nĩgũgũikaria
Mathaa ikũmi na merĩ
Ũcio wĩtagwo Ndũraga

5.
Ũtukũ we ũtanakoma
Turia maru ũthaithe Ngai
Akũgitĩre wakoma
Ũcio wĩtagwo Ndũraga

6.
O na ũtukũ gatagatĩ we
Wĩhinyĩrĩrie mahoya-inĩ
Rũmia igongona mbere ya Jehova
Ũcio wĩtagwo Ndũraga

7.
Ningĩ ũtukũ thaa kenda
Arahũka ũhoe Ngai
Kena nĩakũmenyereire
Ũcio wĩtagwo Ndũraga

8.
Andũ o na kĩũmbe gĩothe kĩrĩ thĩ
Gĩetereire gĩkue kĩbuthe
No Jehova Ngai ndagaathwo nĩ gĩkuũ
Ũcio wĩtagwo Ndũraga

9.
Arĩa othe njamba mahoota gĩkuũ
Makinye mbere ya Ngai
Magatũũra muoyo ta Ngai
Ũcio wĩtagwo Ndũraga.