230. WEHITA MWIHITWA UKONII NGAI

1.
Wehĩta mwĩhĩtwa ũkoniĩ Ngai
Menyagĩrĩra ndũkericũkwo
Tuĩka mwĩhokeku ta Iburahĩmu
Oire mwana akĩhothera
Jehova Ngai ũrĩa ehĩtĩire

Mwĩhĩtwa wa Hana nĩ mũtheru
Ehĩta akĩhoya Ngai mwana
Akiuga mwana ũcio akamũhe Ngai
Aheo ndagarũrũkire
Nĩahotheire Ngai mwana ũcio

2.
Hothera Ngai mũhothi akene
Mbere ũmũhothere ngoro yaku
Kerĩ ũhothe ciĩga ũmũtungatĩre
Gatatũ ũhothe indo ũkenete
Ngai waku ũmũhe indo ciaku

3.
Watua kũhothera Ngai waku
Mĩhothi ĩtatũ ndĩgatigane
Hotha muoyo ũcoke ũhothe mwĩrĩ
Na ũhothe indo ciaku na ũrute
Ndũkahothe kanua gatheri

4.
Ũhothe ngoro na ũhothe mwĩrĩ
Na ũhothe indo ciaku wĩyendeire
Tigaga kũhotha ũtukĩtie
Gĩthithi o ta mwanake ũrĩa
Watukirie ũthiũ agweterwo indo.