189. NGAI URIA WOMBIRE RIUA NA MWERI

1.
Ngai ũrĩa wombire riũa, na mweri
Na akĩũmba thĩ na igũrũ, na njata
Nĩarutire Mũriũ athĩnjwo, ta mbũri
Aiguithanie ndũrĩrĩ

Mwĩrutei mĩrĩ yanyu, yũragwo
Ituĩke ya igongona

2.
Tene Jehova athaithagwo, nĩ ahoi
Na ng’ombe na ndũrũme, ahakwo
Akiuga itimũkenagia, akĩirega
Na itingĩmũhoreria

3.
Indo iria inungaga wega, i muoyo
Theru cia magongona, iguai
Nĩ mĩtugo ya andũ arĩa ega na atheru
Rĩrĩa ĩkũririkanwo

4.
Inyuĩ mumĩte kwa ngoma, gĩkuũ-inĩ
Mũgaciarwo na Roho, wa Ngai
Mũgoocei mwĩ na hinya, wa Roho
Ithe witũ wa Igũrũ

5.
Nderĩirwo muoyo ũrĩa wa ma, nĩ Jesu
Mũthenya ũrĩa anjĩtire, na ngĩigua
Na niĩ ngĩoya mũtharaba, ngenete
Hũrane na magerio

6.
Ndĩmũgoocaga ngenete, o mũno
Nĩ kũnjiyũria Roho, na hinya
Hootage magerio mothe, o biũ
Marĩa me na Caitani.