164. GIA NA HINYA UMIRIRIE NGORO

1.
Gĩa na hinya ũmĩrĩrie ngoro
Ũiyũrĩtwo nĩ Roho Mũtheru
Ũmbure ũira wa Gatũrũme
Ngoro ĩtegwĩtigĩra

2.
Muoyo waku rora ndũgatuĩke
Ta muoyo wa nyoni ĩrĩa ĩhiũhaga
Ĩgathiĩ ĩkaingĩra mũtego-inĩ
Ĩgate muoyo wayo

3.
Menyagĩrĩra ndũkanatwarwo
Ta mũtumumu ũtarĩ na maitho
Kana taarĩ gũtahwo ũtahĩtwo
Nĩ atũmwo a maheni

4.
Ndũkamarũmĩrĩre ta ndegwa
Ĩrĩa ĩrũmagĩrĩra mũthĩnji
Na ndĩũĩ nĩyo yathiĩ gũthĩnjwo
Na rũhiũ yũme muoyo

5.
Mũthenya na ũtukũ ndinogaga
Ngĩmũthaitha ngĩitaga maithori
Ngĩmwĩra mwĩmenyagĩrĩre andũ
Matikanamũhenie

6.
Ndirĩ ndatithia ta ndĩ na guoya
Ngĩmũhe ciugo cia kũmũguna
Njiyũrĩtwo nĩ maithori maingĩ
Na ngaiyũrwo nĩ kĩeha

7.
Nguuga na ma mũthenya wa ũmũthĩ
Mũndũ angĩũra kana agarũrũke
Ndingĩũrio thakame ya mũndũ ũcio
Wĩtete na ũtũrĩka.