155. MUKUINAINIO NI KI THIGARI CIA ROHO?

1.
Mũkũinainio nĩ kĩ, thigari cia Roho?
Mwĩyambei mwĩrĩ
Muoe mũtharaba wa Jesu mũigĩrĩre ciande
Mũmenyithie andũ othe
Atĩ nĩariũkire na ma

2.
Tigai kũinainio, nĩ maroho moru
Tondũ kĩgongona
Nĩ Jesu na nĩehitĩire mũtharaba akiuga
Mũndũ ũrĩa ũgakana
Nĩagakanwo kũrĩ araika

3.
Roho ũrĩa ũgũkwĩra ũte mũtharaba
Roho ũcio ti wa ma
Uumĩte kũrĩ Caitani ũke ũkũhĩtithie
Tondũ mũtharaba nĩ-guo
Njĩra ya muoyo-inĩ

4.
Jesu njamba iitũ, We nĩerire atũmwo
Rĩrĩa mũgatwarwo
Magego-inĩ ma mĩrũthi nĩ ũndũ wa Rĩĩtwa rĩakwa
Nake Roho wa ma nĩa-gatuĩka mũira wanyu

5.
Mũraika wa Ngai, ariumaga igũrũ
Oke omĩrĩrie
Arĩa mekũnyarirĩrwo Rĩĩtwa rĩa Mwathani
Othe makaiyũrwo nĩ, Roho Mũtheru ngoro

6.
Merirwo mwathĩnio nĩ gũtuĩka aici
Kana oragani
Kana kwĩhia gũtharania Jesu ndarĩ na inyuĩ
O na Roho wa ma nda-gatuĩka muira wanyu.