16. HABILI ATHECWO NA RUHIO NI KAINI AKIURAGWO

1.
Habili athecwo na rũhiũ nĩ Kaini akĩũragwo
Nuhu nĩanyarirĩkire ngoro agĩaka thabina
Yarĩka ĩkĩmahonokia maaĩ mahwa akĩruta
Igongona rĩa gũthaitha Jehova nĩ gũkena

Ũguo nĩguo gũgakenwo
Nĩ njamba iria ikahoota thĩ
Ũthamaki-inĩ wa igũrũ Jerusalemu njerũ

2.
Mũrathimithia ndũrĩrĩ ciothe nĩ Iburahĩmu
Nake nĩonire mathĩna bũrũri wa Kaanani
Akĩenda kũruta mwana atuĩke wa igongona
Ngai akĩmuonia ndũrũme Iburahĩmu agĩkena

3.
Andũ marutwo Misiri nĩ ũhoti wa Jehova
Maakinya iria-inĩ Itune mona marũmĩrĩirwo
Andũ arĩa me ngoro hũthũ makĩnegenia Musa
Jehova amaringia rũũĩ magĩcoka gũkena

4.
Daudi atwarĩra ariũ a ithe irio mbaara-inĩ akĩigua
Goriathũ aruma maguta matheru ma ũthamaki
Akiuga arekwo akarũe na njamba ĩo akĩrumwo
Ningĩ etĩkĩrio akĩũraga njamba ĩo magĩkena

5.
Shadiraka na Meshaka na Abedinego maikio
Mwaki-inĩ makĩũhoota nĩmakenire mũno
Danieli aikio irima rĩ na mĩrũthi akĩmĩhoota
Rũcinĩ akĩroka kuuma na gĩkeno kĩnene

6.
Gatũrũme nĩ athaithire Jehova amwĩtĩkĩrie
Mahũrane na Caitani atuĩke kĩgongona
Agĩtehũrangwo mwĩrĩ mbaru ikiuma thakame
Na maaĩ agĩkũũra andũ othe kwĩ ngoma Ithe agĩkena.