148. IBURAHIMU EHITA MWIHITWA HE NGAI

1.
Iburahĩmu ehĩta mwĩhĩtwa he Ngai
Hĩndĩ ĩrĩa ahoteirwo thũ nĩ Jehova
Nake Ngai akĩĩra Iburahĩmu
Arute Isaka wa kĩgongona

Ũcio ehĩtire na akĩrũmia
Ona ruo ndagarũrũkire
Atongoirio nĩ ũhoro wa ma
Na ũthingu wa ma
Na kĩhooto kĩa ma na irĩkanĩro

2.
O nake Iburahĩmu etio mwana ũcio
Atuĩke igongona ndakararirie
Kana agarũrũke kana arume Ngai
Tondũ nĩehĩtĩte mwĩhĩtwa wa ma

3.
Jefitha ehĩtire agĩthiĩ mbaara
Atĩ kĩrĩa gĩothe gĩkamũtũnga
No kĩo akarutĩra Ngai igongona
Mwarĩ amũtũnga ndagarũrĩire

4.
Matu-inĩ Jesu nake rĩrĩa oimire kuo
Ambire kwĩhĩta maitho-inĩ ma Ithe
Na makĩrĩkanĩra na arĩa othe me kuo
Atĩ nĩegũka thĩ kũhonokania

5.
Gũkũ thĩ Gatũrũme nĩonirio mĩago
Na akĩrumwo nĩ thũ na akĩnyarirwo
No ndaigana kũgarũrũka aririkana
Nĩehĩtire he Ithe na harĩ araika

6.
Mwathani acoka igũrũ kũrĩa ehĩtĩire
Mwĩhĩtwa ũcio wake ũmũtũragia
Ena maithori maingĩ na ruo rũingĩ
O nginya akahingia ũrĩa ehitire.

7.
Iguai inyuĩ athuri na atumia
Na anake na airĩtu O na tũkenge;
Mũigue mĩhĩtwa yothe ya atheru a Ngai
Mehĩta he Ngai, nimarũmirie