132. MUNYITI WA ICEMBE RIA NGOMBE

1.
Mũnyiti wa icembe
Rĩa ng’ombe rĩkĩrĩma
Angĩroria maitho
Na thutha no rĩatũre
Rĩtige mũgunda ũcio
Na icigo itarĩ nĩme

Mwathani nĩathũire
Andũ othe a ngoro igĩrĩ
Nĩathũire kwenyũrĩrwo ngoro
E ũiru ndendaga kũgaĩrwo
Kaba ũmũhe ngoro yaku
Yothe nĩguo akene

2.
O nake mũthigari
Emuohe indo cia mbaara
Ndekagĩrwo thũmbĩ mũtwe
O nginya amĩhotanĩre
O ta ũrĩa gwathanĩtwo
Akenie mwathani ũrĩa
Ũmwandĩkĩte wĩra ũcio

3.
Paulo njamba ya ma
Na nĩ mũira wa ũhoro
Oimbũrĩire andũ othe
Ũthamaki wa igũrũ
Ti ũhoro wa kwaria
Na kanua na ndũhingio

4.
Gĩkeno kĩanyu gĩothe
Nĩ gĩtuĩke maithori
Na mĩtheko ituĩke kĩeha
Mwamenya nĩ Misiri mũrĩ
Bũrũri wa maithori
Mũthaithe Mwathani
Mwĩ na kĩeha na maithori.