112. ATHAMAKI OTHE INYUI MWATHAGA ANDU

1.
Athamaki othe inyuĩ
Mwathaga andũ
Ũnene wa Jehova wothe
Nĩũmenywo nĩ inyuĩ
Nĩ kĩhoti nĩetagia
Mũndũ muoyo
Na ndangĩona mũmũgiria
Tondũ andũ nĩ ake

Mwĩtigĩrei ũnene
Wa Jehova
Mwĩciriei mũmũgooce
Nĩ ciĩko ciake

2.
Andũ arĩa ene bũrũri
Na arĩa me ithaka
Kũrĩa guothe kwĩ mĩkuru
Matingĩrũnga
Na matingĩiganania
Kũrĩa kwĩ irĩma
Jehova nĩ Mũtheru ombire
Gũtũũre ũguo

3.
Athuri a thĩ yothe, na atumia
Jehova angĩmanengera
Mwana na oige
Nĩ mwana wa kahĩĩ
Matingiuga aca
Ningĩ angiuga nĩ kairĩtu
Ndangĩkarario

4.
Anake othe na airĩtu
Makioi ngoro
Nĩ Jehova omba andũ erũ
Matingĩtua airũ
Nao arĩa airũ othe
Matingĩtua erũ
Arĩa akuhĩ na arĩa araya
Makaai inyu’othe

5.
Ng’ombe na mbũri ciothe
Na nyamu ciothe
Oigire nĩigie thĩ yothe
Gũgĩtuĩka guo
Jehova nĩ mũnene
Kĩrĩa ombire
Akĩrĩkia giothe biũ
Gĩtingĩrũngwo

6.
Mwahotwo nĩ Jehova
Mũgoocei
Kũrĩa igũrũ nĩekĩrire
Riũa na mweri
Na akĩiyũria njata kuo
Na kiugo gĩake
Cia gũtungatanagĩra
Na ũtheri ciothe

7.
Mwacemania na riũa
Nĩmũkenaga
Ningĩ rĩrĩa mwacemania
Na mbura yoira
Mũgakena ngoro-inĩ
Ndamũthaitha
Mwĩtigĩre mwene indo icio
Nĩacikĩrĩte

8.
Menyai atĩ Jehova
Ũnene mũingĩ
Gũkĩra ũcio aũigĩte
Matu-inĩ tondũ
Nĩkuo bũrũri wake
Na itũũra rĩake
O na nĩkuo mũciĩ wake
Na nyũmba yake.