38 Ũhoro wa Muoyo Nĩ wa Mwathani Jesu

1.
Jesu mũkũri witũ
Wĩ igũrũ Matu-inĩ,
Tũririkane rĩu,
Ũtũigue, Jesu.

2.
Watuĩka wĩ hakuhe,
Tũtikona ũgwati.
Wendaga andu othe,
Ũtũigue, Jesu.

3.
Tũgũkũhoya rĩu
Ũtũthambie ngoro
Thakame-inĩ yaku,
Ũtũigue, Jesu.

4.
ũtũhe ithu’othe
Roho wakũ Mutheru,
Atũtherie mũno,
Ũtũigue, Jesu.

5.
Iromo ũgirie
Itikoige ũũru,
Itigakũrakarie
Ũtũigue, Jesu.

6.
Mahinda maitũ mothe,
Tũtuĩke atheru ma,
Tũtigane na ũũru,
Ũtũigue, Jesu.

7.
Tũtuĩke andũ a ma,
Twende gũthikĩrĩria
Ndeto ciaku haha rĩu,
Ũtũigue, Jesu.

8.
Jesu nĩwe wokire
Nĩguo ũtũhonokie:
Ũtũteithie rĩu:
Ũtũigue, Jesu.