94. MUROMO MUCEKE

1.
Mũromo mũceke
Nĩguo wa muoyo-inĩ
Na mũromo ũrĩa mwariĩ
Nĩ wa rĩũrĩro
Tonyerai njĩra njeke
Tondũ njĩra njariĩ
Jesu atigire oiga nĩya rĩũrĩro

2.
Mwathani oimbũrĩire
Andũ magomaine
Mũndũ wothe ũhoyaga Mwathani ũyũ
Na ndahingie watho wake
Ndagatonya igũrũ
No ũrĩa ũhingagia nĩakona muoyo

3.
Mũthenya wa ciira
Jesu akoorio nĩ andũ
“Githĩ tũtiarathaga na Rĩĩtwa rĩaku
Na tũkaingata daimono
Ningĩ tũkĩruta
Mawĩra ma hinya na Rĩĩtwa rĩaku”

4.
Nake amacookerie
Ameere “Hinga ici
Ndirĩ hĩndĩ ndaamũũĩ marĩĩtwa manyu
Mũndĩaga na mĩromo
Ngoro irĩ kũraya
Umai kũrĩ nĩi inyuothe aganu”

5.
Maathani ma Ngai
Na watho wa Jesu
Ningĩ ũira wa Roho na wa anabii
No ta nyũmba njake wega
Nĩ mwaki ũrĩa mũũgĩ
Kĩguo na rũhuho itingĩmĩenyenyia

6.
Ngoro ya kĩrimũ
Ĩikaraga mwago
Ningĩ ĩriragĩria kũgoocwo nĩ andũ
Kwagĩa thĩna kana ruo
Ngoro ĩyo ĩkaringwo
Ĩkarũndwo ta nyũmba ya mũthanga-inĩ.