525. ARAHUKA MECIRIA-INI

1.
Arahũkai meciria-inĩ
Inyuothe mũgwatĩirie
Ikundi ciothe athuuri
Na atumia na anake
Na airĩtu na ciana iria nyinyi
Mũthiĩ ndundu na Ngai
Mũmũhoe mũmũrie
Njĩra amuonererie

E kuma kũ ũrĩa mũũgĩ
Na mũkirĩrĩria
Akirĩrĩrie ngoro-inĩ
Ũrĩa Jesu akirĩrĩirie
Kĩgongona-inĩ igũrũ?
Matu-inĩ Jesu aatonyire ho
Na thakame yake mwene
Akĩhoota athĩnjĩri othe

2.
Ngai ahoyagwo nĩ andũ
Me na ruo ngoro na maithori
Ũrĩa Hana ahoire Ngai
Na agĩkirĩrĩria mũno
Ndaigana gũtheethũka
O nginya rĩrĩa ahingĩirio
Mahoya make nĩ Jehova
Agĩkena gĩkeno kĩnene

3.
Hoyai Ngai mũgwatĩirie
Ngoro-inĩ cianyu inyuothe
Mũheo nĩ Ngai mũtheru
Ũtarĩ ũcuke kana kaũgũ
Atonye haha kĩgongona-inĩ
Athaithanĩrĩre andũ othe
Ahoere andũ eyendeire
Na ngoro yake ũtukũ na mũthenya

4.
Mahoya maciaraga mwana
Mũtheru na ma meciria-inĩ
Ta ũrĩa Samueli aciarirwo
Nĩ nyina na mahoya na ruo
Mũtheru Samueli nyina
Amwĩtirie kwĩ Jehova
Hana nĩonirie atumia othe
Ciana ciumaga kũrĩ Ngai

5.
Ririkanai ngoro-inĩ cianyu
Mwĩcirie na ma na ma
Mũririkane mahoya mega
Ma mũtheru Hana mũkene
Ahoire e na ruo ngoro akĩheo
Samueli akĩhoreria andũ
Na akĩhoreria Ngai
Mĩaka mĩrongo ĩna.