498. NIMOIMIRANITIE NGORO

1.
Nĩmoimĩranĩtie ngoro
Na Ngai
Atheru acio a tene
O nginya magĩkinya mbĩrĩra-inĩ
Mathiaga thiritũ ĩmwe na Ngai

Tũũra wĩkaga ciĩko njega
Ndũkanaamũranio na muoyo
Ciĩko nĩigagũtua mwega
Mbere ya Ngai
Na ciĩko nĩigagũtua mũũru
Mbere ya Ngai

2.
Mũthuuri ririkana
Ngoro-inĩ yaku
Wĩ mũthuuri ta athuuri
A tene arĩa maarĩ atheru
Arĩa makinyire mbĩrĩra-inĩ
Mendete Mwathani

3.
Mũtumia ririkana
Ngoro-inĩ yaku
Wĩ mũtumia ta atumia
A tene arĩa maarĩ atheru
Arĩa makinyire mbĩrĩra-inĩ
Mendete Mwathani

4.
Mwanake ririkana
Ngoro-inĩ yaku
Wĩ mwanake ta anake
A tene arĩa maarĩ atheru
Arĩa makinyire mbĩrĩra-inĩ
Mendete Mwathani

5.
Mũirĩtu ririkana
Ngoro-inĩ yaku
Wĩ mũirĩtu ta airĩtu
A tene arĩa maarĩ atheru
Arĩa makinyire mbĩrĩra-inĩ
Mendete Mwathani

6.
Kamwana ririkana
Ngoro-inĩ yaku
Wĩ kamwana ta tũmwana
Twa tene tũrĩa twarĩ tũtheru
Tũrĩa twakinyire mbĩrĩra-inĩ
Twendete Mwathani

7.
Kairĩtu ririkana
Ngoro-inĩ yaku
Wĩ kairĩtu ta tũirĩtu
Twa tene tũrĩa twarĩ tũtheru
Tũrĩa twakinyire mbĩrĩra-inĩ
Twendete Mwathani.