494. ATHURI A KANITHA HANDU HARIA

1.
Athuuri a kanitha handũ harĩa
Magomanĩte makĩaria
Wĩciragie ciugo ciaku ũkĩaria
Ũmenyagĩrĩre ndundu ĩyo nĩ theru
Ndũkae kũhĩtia na rũrĩmĩ rwaku
Reke rũrĩmĩ rwathwo nĩ Roho

Tuĩka mwĩhokeku na mũgima
Ciugo ũkĩarĩria andũ wĩciragiei

2.
Ciugo cia rũrĩmĩ rwaku
Nĩcio ciumbũraga ũgima waku
Wĩmenyagĩrĩre ũkĩaria
Ndũkanarie ciugo cia ũrimũ
Gĩa bata na ciugo ciaku
Ta ũrĩa Ngai e bata na ciugo ciake

3.
Warũmia ciugo iria waria
Wĩ mũgima ngoro-inĩ
No waria na itherũ ndũrĩ mũgima
Meciria-inĩ maku wĩtue mũgima
We mwene ciugo ciaku ũkĩaria
Ririkanaga ũguo woiga ũrũmie

4.
Ũgima nĩ kũmenyerera
Ciugo iria warĩtie na rũrĩmĩ
Jehova Ngai nĩaigua ũguo waria
Tũũra ũririkanaga Roho nĩ mũira
Tigaga kũriganĩrwo rũmia
Ciugo warĩtie menyerera

5.
Wĩhumbe ũgima ũkĩgweta
Rĩĩtwa rĩa Jehova Ngai
Ndũkanarĩgwete na itherũ
Jehova nĩakananirie
Akiuga nĩ wĩhia mũnene
Kũgweta Jehova Ngai na itherũ

6.
Gwĩ ciugo nguũ itarĩ muoyo
Ciugo cia tũnua twa irimũ
Ndũkanarũmĩrĩre ciugo icio
Tigaga gũciririkana
Meciria-inĩ maku tuĩka mũtheru
Waragie ciugo i muoyo.