480. ANDU ARIA MENDA NGAI

1.
Andũ arĩa menda Ngai
Nĩmatigagĩrĩrwo
Ciĩko-inĩ ciothe njega
Nĩ ũndũ wa kũigua tha

2.
Ngai oigire ndekwenda
Magongona ma ng’ombe
Na mbũri na ndũrũme
Akiuga ekwenda tha

3.
Ngai nĩakenagĩra
Ngoro ĩrĩa ciyũire tha
Tondũ nĩiteithanagia
Nĩ ũndũ wa kũigua tha

4.
Mwathani Jesu akiuga
Gũkena nĩ arĩa me tha
Tondũ hĩndĩ yakinya
Nĩmakaiguĩrwo tha

5.
Ngai nĩakarathima
Andũ arĩa metuaga
Ndungata cia maũndũ
Nĩ ũndũ wa kũigua tha

6.
Irathimo na ũtugi
O na gũkirĩrĩria
Ngai nĩaheaga andũ
Arĩa maaĩyũire tha

7.
Kwĩnyihia na gwathĩka
Na ũthingu na ũhoreri
Ngai nĩaheaga andũ
Arĩa maaĩyũire tha

8.
Kwaga njukũ na muku
Hamwe na gĩcambanio
Ngai nĩaheaga andũ
Arĩa maaĩguaga tha.