414. NGAI NIWE MUMBI THI

1.
Ngai nĩwe mũmbi thĩ
Na andũ Jesu Mũhonokia
Roho nĩ mũiguithania
Tene ndikamũtiga

Ndikamũtiga, we wiki ndikamũtiga
Ciĩranĩro ndĩ nacio
Tene ndikamũtiga

2.
Ngai akĩũmba Adamu
Na Hawa akĩmaiga mũgũnda
Makihenio nĩ ngoma
Makĩingatwo mũgũnda

3.
Na inyuĩ mũtikahenio
Nĩ ũũgĩ na thuti cia mwĩrĩ
Mũtikanaimwo muoyo
Hĩndĩ ya kũhonoka

4.
Jesu akĩra Judasi
Amenya nĩamwendetie mbia
Mũrata wakwa weka atĩa
Kaĩ ũkũgeria Ngai?

5.
Thahabu cia gũkũ thĩ
Na betha ciothe nĩigathira
No ũhoro wa Ngai
Nĩ wa tene na tene

6.
Hĩndĩ ĩrĩa niĩ ndorĩte
Nĩ thĩna na wĩhia wa ngoro
Jesu nĩaanyonire
Akĩnduta gĩkuũ-inĩ.