407. CIANA CIA ISIRAELI RIRIA MARI MISIRI

1.
Ciana cia isiraeli
Rĩrĩa maarĩ Misiri
Nĩmarutithagio wĩra
Wĩra mũnene mũno
Warĩ wa maturubarĩ
Na gũtinagia nyeki
Nĩmarĩire Jehova
Amarute ũkombo-inĩ

2.
Nake Jehova agĩtũma
Ndungata yake Musa
Ithiĩ kũu Misiri
Ĩmarute ũkombo-inĩ
Ĩmatware Kanani
Bũrũri mwega mũno
Warĩ wa kĩrĩkanĩro
Kĩerĩirwo Iburahĩmu

3.
Nake Musa agĩtongoria
Ciana cia Isiraeli
Na njĩra yathiagĩra
Iria-inĩ Itune
Na maakinya mũrĩmo ũrĩa
Ita cia Firauni
Iria ciamarũmĩrĩire
Ikĩninwo na maaĩ

4.
Isiraeli makinya
Kũu werũ-inĩ o tene
Matiigana gũcokeria
Ngai wao mũhera
Nĩmethodekeire ngai
Yao ya mũhianano
Makĩrakaria Jehova
Makĩninwo werũ-inĩ

5.
Nao arĩa matigarire
Joshua akĩmatongoria
Akĩmatwara Kanaani
Bũrũri mwega mũno
Warĩ wa kĩrĩkanĩro
Kĩerĩirwo Iburahĩmu
Nĩ bũrũri mwega mũno
Warĩ iria na ũũkĩ

6.
Na ithuĩ rĩu nĩtũrĩkĩtie
Kũgũrwo na thakame ĩo
Yarĩ ya kĩrĩkanĩro
Nĩ wega tũririkane
Mwathani witu niathire
Kũrĩ arutwo ake akĩmera
Ndathiĩ igũrũ
Kũmũthondekera mũciĩ

7.
Mwathani witũ nĩerire
Arutwo ake a mbere
Ndingĩhota kũmũtiga
Ta ciana cia ngoriai
Ngũmũtigĩra Mũteithia
Nĩwe Roho Mũtheru
Aikarage hamwe na inyuĩ
Ũtukũ na mũthenya.