4. NDURIRI-INE CIOTHE NII NINGURIA. (8/1/1945)

1.
Ndũrĩrĩ-inĩ ciothe,
niĩ nĩngũria
Ũrĩa ũhetwo ũũgĩ,
na Roho wa ma
Wa gwakĩra ngoro,
ciothe gĩtina
Kĩrĩa kĩ na hinya,
gĩtangĩenyenya?

2.
Ngai nĩoimĩrĩire,
Iburahĩmu
Akĩmwĩra nĩoime,
bũrũri wao
Roho wa wendani,
na ũthingu wa ma
Na ũhoreri mũingĩ,
watũire nake

3.
Ciana cia Jakubu,
nĩ ũndũ wa ũiru
Mendirie Jusufu,
kwa Firaũni
Nake nĩehumbire,
ciĩko cia ũthingu
Jehova agĩtuĩka,
Mũrĩithi wake

4.
Gatũrũme rĩrĩa,
oimire igũrũ
Okire kũrĩma,
mũgũnda wa Ithe
Nĩarutire wĩra,
wothe ũrĩa erirwo
Na akĩhingia ũira,
wa anabii othe

5.
Ciira wa kĩhooto,
nĩwe ũgacira,
Aikarĩire gĩtĩ,
gĩake gĩa ũthingu
Acirithie arĩa akuũ,
na arĩa me muoyo
Mũndũ o mũndũ atuĩrwo,
na ciĩko ciake